કાં આજ મા યાદ આવે છે ..?

એ વિવિધ વાનગી લાવે છે ;
બહુ તાણ કરી ખવડાવે છે.
ભાવે તેવું પીરસે છે એ;
કડવું ક્યાં પીવડાવે છે..!
હોટલનું ખાણું ખાતા..;

કાં આજ મા યાદ આવે છે ..?

એ કડવી ગોળી પાતી 'તી ;
નહિ પીવું તો ખીજાતી'તી.
બેસતા ચૈતર મહિનામાં ;
કુણા લીમડાનો રસ પાતી'તી .
કદી રીસાઈને જો નહિ જમું ;
તો એ પણ ભુખી સુઈ જાતી'તી.

છે ટીપની આશા અહીં હોટલમાં ;
ક્યાંથી તાળો મળે અહીં ટોટલમાં ?
મારા ઓડકારથી મા રાજી
મા વગર બધે બસ તારાજી